一個人食烏冬嘅好地方

Posted on Posted in $50 以下, 尖沙咀, 日韓餐

今次童話大家分享餐廳係一間傾向係以快餐店營運模式運作嘅連鎖烏冬店,所以餐廳食物定價合理,性價比好高。

入到餐廳你會發現佢有十多款唔同嘅烏冬畀你揀,而且仲有可以揀烏冬嘅份量。

非常迎合今時今日支持環保嘅概念,尤其係細食嘅女仔就可以揀份量較少嘅中size。

 

豬軟骨烏冬  (大)$49

豬軟骨好夠淋、烏冬好彈牙,不過湯底感覺比較油膩。另外,配料上面仲有鹵水蛋,但如果換成溏心蛋嘅話相信會吸引好多。

 

腐皮烏冬 (中) $39

至於腐皮烏冬嘅烏冬一樣非常彈牙, 腐皮好大塊,甜甜地而唔油膩。而呢個湯底就清得黎黎帶點微甜,整體黎講比豬軟骨烏冬湯底更清新。

溫習提示:餐廳內冇侍應幫忙清潔枱面,所以食客食完之後要自己將餐盤放回收集處

 

店鋪資料:

丸亀製麵

尖沙咀彌敦道63號iSQUARE國際廣場6樓609號舖

發表回覆

你的電郵地址並不會被公開。 必要欄位標記為 *