夏日必食透心涼甜品

Posted on Posted in $50 以下, 幸福甜品

呢兩日感受到熱辣辣嘅夏天終於黎到啦!大家除左可以食雪糕、雪條解暑之外,今日小編要同大家介紹下夏日必食透心涼甜品。

就係一間連鎖甜品鋪入面嘅兩款鎮店之寶,龍眼椰果冰同榴槤水晶珠。

 

龍眼椰果冰 ($39)

呢個冰口感好棉身,真係做到入口即溶嘅感覺,唔會有一粒粒嘅顆冰,食完即刻有透心涼嘅感覺

食食下你仲會發覺冰裡面,有龍眼肉加埋啲有少少咬口既椰果,口感好豐富

 

榴槤水晶珠 ($45)

同場我都地叫埋佢另一個招牌冰,就係榴槤水晶珠。

冰入面又係混入左絲絲榴櫣肉入去打碎,每一啖都食到濃濃嘅榴櫣甜香,口感同樣好綿,佢上面仲有一大舊榴櫣蓉放係面

鐘意食榴蓮嘅朋友仔一定要試下佢。另外,想講下佢呢兩款冰都配有水晶珠,咬落去卜卜脆,好得意!

 

以前食過d生果冰啲冰都係會無味,係冰還冰,生果還生果分開哂。而呢度將水果雪到變冰再攪碎,冰同水果肉唔會分離,真心好食!

店鋪資料:

聰嫂私房甜品

元朗仁樂坊5號利發大廈地下D號舖

發表回覆

你的電郵地址並不會被公開。 必要欄位標記為 *