T.O.P夏日限定啤酒節

Posted on Posted in $51 ~ $150, 旺角, 著數預埋你, 覓食好去處

夏天熱辣辣,梗係想飲返枝冰凍嘅啤酒解暑。不過嫌成日飲傳統啤酒冇咩新意?咁你地一定黎旺角潮流集中地T.O.P This is Our Place啦!

因為由7月19日起,連續6個星期五、六及日,T.O.P將會將化身成為啤酒嘉年華。係入面你地可以試到超過100款香港手工啤酒,

包括大家熟悉嘅手作啤酒品牌:瘋啤、麥子啤酒、香港城釀等…  當中仲有首度登場嘅期間限定 T.O.P x 瘋啤竹蔗茅根啤、山楂啤、以及陳皮啤等等,全部都港味濃郁,充滿獨有嘅本地文化。

左起:花墟-茉莉、江西鹹南柑桔啤酒、竹蔗芽根啤(T.O.P x 瘋啤 期間限定)、孫悟空琥珀啤酒  $40/支

 

每支手工啤酒劃一收費$40,買四支啤酒套裝 (或滿$160),仲即送 $20 T.O.P 電子現金券,可以即時到商場唔同餐廳品嚐一系列送酒小食。除左手工啤酒之外,最正嘅係大家可以去5樓放空花園,任剝花生,仲可以隨意將花生殼掉係地下。實行一邊歎啤酒、一邊剝花生。

 

另外,啤酒節期間逢星期五、六及日嘅下午6-7時,會有唔同本地單位嘅表演,好似係搖滾、抒情或者a cappella,總有一種適合大家。而每月嘅最後一個星期日(7月28日及8月25日下午4-6時)更加會有兩小時嘅天空音樂祭,帶來更多精彩嘅音樂表演。最後,T.O.P 亦會分別係7月28日及8月25日舉辦精釀蜂蜜酒工作坊,由香港城釀教大家點樣親自釀製蜂蜜酒(500ml)和DIY酒樽,如果想知道更多報名詳情,請密切留意T.O.P APP, Facebook及Instagram,一齊chill住過夏天!

 

T.O.P SUMMER BEER JAM

日期:2019年7月19日至8月25日 (星期五、六及日)

地點:旺角彌敦道700號T.O.P This is Our Place

發表回覆

你的電郵地址並不會被公開。 必要欄位標記為 *